【反修例】警方沙田清場有市民跟母親捱警棍受傷　盧偉聰對多名警員受襲非常憤慨

《逃犯條例》修訂風波未平息，昨日（14日）沙田區反修例結束後再爆發激烈警民衝突，多人受傷，大批防暴警昨晚衝入沙田新城市廣場清場，又一度將港鐵沙田站封站，阻止示威者及市民離開。沙田居民李小姐今早致電商台，訴說昨晚跟家人晚飯後無辜捱警棍的經過，令她及其母親背部受傷，又質疑打他們的警員並沒有配戴委任證。

李小姐致電商台表示，自己立場中立、並無參與示威，昨晚與家人到新城市廣場食飯，又指家人有老有嫩，不少是退休公務員，多年來都覺得自己奉公守法；後來一批警察突然衝入商場，並不斷揮動警棍要他們離開，他們亦有按指示走，但警察仍不停揮動警棍：「屋企人已驚到喊、好無助，我都未見過香港咁亂！」

她又稱，自己及母親都身穿深色衫，雖然她們已解釋自己是沙田居民、只是來商場食飯，但可能「佢哋覺得著黑色衫就係集結，所以特別向我同阿媽揮棍同呼喝，最後我同我阿媽真係食咗幾棍，背脊有受傷！」

究竟亂的係邊個呢？如果以第一身情況去講，真係嗰班所謂警察，同理佢哋又無戴委任證，究竟佢哋係咪個個都拎晒裝備、FULL GEAR，就可以濫用武力去打人？明明叫我走點解仲要打我呢？我哋有老有嫩，我哋邊度似恐怖份子、而威脅到佢哋呢？我哋真係唔明！

警務處處長盧偉聰凌晨到醫院探望在衝突中受傷的警員，對於有多名警員受傷表示非常憤慨及予以最強烈讉責，重申警方一定全力調查，追究到底。